Við skránni ‘Orient-snartokið’ ferðast vit gjøgnum Eysturevropa og uppliva tí orkufyltu og fjølbroyttu tónleikamentanina, ið har finst í teimum ymisku londunum.

Vit fara at vitja fleiri lond, millum annað Rumenia, Makedonia og Bulgaria. Fleiri av stykkjunum á skránni hava sin íblástur frá tí makaleysa fólkatónleikinum í Eysturevropa við teimum lokkandi rútmunum og hugtakandi tónaløgum. Hesin tónleikurin passar frálíka væl okkara duo vegna sláttrakenda eginleikanum á guitaranum og syngjandi eginleikanum á floytuni.